निजी क्षेत्रको दुरसञ्चार प्रदायक एनसेलले ‘माई ५’ नामक नयाँ योजना ल्याएको छ । नयाँ योजना अन्तर्गत ग्राहकहरुले बिशेष ५ वटा नम्बरमा सस्तो महसुलमा कल गर्न सक्नेछन । योजना अन्तर्गत आफूले रोजेका कुनै ५ वटा नम्बरमा ९९ पैसा (कर बाहेक) प्रति मिनेटमा कुराकानी गर्न सक्नेछन । योजना पुस १३ गते शुक्रबारदेखि लागू हुनेछ ।
ग्राहकहरुले कुनै पनि समयमा मोबाइल नम्बर परिवर्तन गर्न समेत सक्नेछन् । तर, यसका लागि ५ रुपैयाँ शुल्क लाग्ने एनसेलले जानकारी दिएको छ । नयाँ ग्राहकहरुले भने सजिलो ट्यारिफ अन्तर्गत मात्र ९९ रुपैयाँमा सिम प्राप्त गर्नेछन् । जसमा ५० रुपैयाँ मेन ब्यालेन्स र ४९ रुपैयाँ बोनस ब्यालेन्स प्राप्त गर्नेछन् ।