मिनरल वाटरको मूल्य ५० लाख

एउटा मिनरल वाटरको मूल्य कति पर्छ । १५ देखि २० रुपैयाँ । विश्वको सबैभन्दा महंगो मिनरल वाटरको मूल्य कति पर्छ होला ? अनुमान गर्न सक्नुहुन्छ ? ५० लाख रुपैयाँ । पत्याउन गाह्रो पर्ला तर, सत्य यही हो । विश्वको सबैभन्दा महंगो मिनरल वाटरको बोतलको मूल्य ५० लाखभन्दा बढी पर्छ ।
‘एक्वा डी क्रिस्टल्लो ट्रिबुटो ब मोडिगलिएनी’ नामक ब्राण्डको एक बोतल पानीको मूल्य यती धेरै तोकिएको हो । बोतलमा राखिने ७ सय ५० मिलिलिटर पानीका लागि ५० लाख रुपैयाँ मूल्य तोकिएको छ । बोतलमा फ्रान्स र फिजी देशको पानी भरिन्छ । जसमा ५ मिलिग्राम ‘गोल्ड डस्ट’ पाइन्छ ।
यो बोतललाई प्रसिद्ध डिजाइनर फर्नान्डो एल्टामिरानोले बनाएका हुन । जसमा २४ क्यारेट सोलिड सूनको प्रयोग गरिएको छ । सूनका साथै गोल्ड म्याट, सिल्भर, सिल्भर म्याट तथा क्रिएस्टल जडान गरिएको छ । ब्रान्डको सबैभन्दा सस्तो पानीका लागि साढे तीन लाख पर्छ ।